"Ливерпуль" клуби ва Голландия терма жамоаси яримҳимоячиси Жоржиньо Вейналдум "Лестер"нинг бу мавсумдаги шўнғишини яримҳимоячи Н'Голо Кантенинг "Челси"га ўтгани билан боғламоқда.
"Албатта, "Лестер"нинг натижалари сезиларли даражада пасайди. Улар ҳозир ўтган йилгидай зўр ўйнамаяптилар. Аммо ўйлайманки, ҳамон яхши жамоа бўлиб қолмоқда, чунки барча ўйинчилар жамоада қолишган.
Ягона йўқотиш - Кантенинг кетиши. У ҳал қилувчи ўйинчи эди ва у кетганидан сўнг "Лестер" сочилиб кетишди. Канте майдон марказини бетонлаб ташлар эди ва жамоани бирлаштирар эди. Исталган клуб бундай йўқотишдан сўнг қийналган бўлар эдилар", - дейди Вейналдум.
