Англия премьер-лигасида 26-тури доирасида «Челси» ўз майдонида «Суонси»ни қабул қилади ва 3 очкони қўлга киритди.

Баҳснинг 19-дақиқасида мезбонлар қисқа паслар орқали рақиб жарима майдончасига кириб келишди. Педро етказган узатмани Фабрегас дарвозага жойлаб қўйди ва ҳисобни очди.

Танаффусга қадар тўла устунлик Конте шогирдлари томонида бўлди. Улар бир нечта ажойиб имкониятлардан фойдалана олишмади. "Челси" биринчи бўлимни ҳисобдаги устунлик билан якунлаши кутилаётгани вазиятда "Суонси" ҳисобни тенглаштиришга муваффақ бўлди. Майдон марказидан етказилган жарима тўпига Льоренте 12 метрлардан бош билан зарба бериб, дарвозани ишғол қилди.

Иккинчи бўлим бошида майдон эгалари томонидан уюштирилган катта босимни "Суонси" футболчилари бир амаллаб қайтариб туришди. Бироқ 72-дақиқада Педро Родригес йўллаган зарбани қайтаришда Фабиански хатога йўл қўйди ва у тўпни қўлининг остидан ўтказиб юборди.

Ўйин тугашига 6 дақиқа қолганида Диего Коста рақиб дарвозасини ишғол қилди ва якуний ҳисобни ўрнатди. Унга ассистентлик вазифасини Эден Азар бажарди.

Ушбу ғалаба орқали "Челси" ўз очколарини 63тага етказди ва яккапешқадамликни давом эттиради.

АПЛ, 26-тур, 20:00
ЧЕЛСИ – СУОНСИ - 3:1 (1:1, 2:0)
Голлар: 1:0 – 19 Фабрегас, 1:1 – 45 Льоренте, 2:1 – 72 Педро, 3:1 – 84 Диего Коста.
Челси – Куртуа, Давид Луиз, Кэйхилл, Алонсо, Аспиликуэта, Фабрегас, Мозес (Зума, 85), Педро (Матич, 76), Канте, Азар (Виллиан, 85), Диего Коста.
Суонси – Фабианьски, Фернандес, Ольссон, Нотон, Моусон, Кэрролл (Айю, 76), Корк, Раутлеж (Нарсинх, 81), Фер, Сигурдссон, Льоренте.
Огоҳлантиришлар: Нотон (35), Ольссон (36), Давид Луиз (75), Фер (80).