«Манчестер Юнайтед» бош мураббийи Жозе Моуриньо таъкидлашича, жамоа ёзги трансфер пайтида юқори савияда футболчилар билан таркибни кучайтиради.
«Қишки трансфер пайтида биз янги футболчи сотиб олмадик. Бу ишни ёзга қолдирдик. Ҳозирги таркибимизга қарасак ва "МЮ" дуч келган қийинчиликларга назар ташласак, биз муносиб ўйнаганимизни тушуниш мумкин.
Ўйлайманки, ёзда 2-3 нафар янги футболчи билан шартнома имзолаймиз. Улар юқори савияга чиқишимиз учун ёрдам бериши керак», – деди Моуриньо.
Аввалроқ «МЮ»нинг янги харидларидан бири «Барселона» ҳужумчиси Неймар бўлиши мумкинлиги ҳақида хабар тарқатилганди.