«Manchester Yunayted» bosh murabbiyi Joze Mourinyo ta’kidlashicha, jamoa yozgi transfer paytida yuqori saviyada futbolchilar bilan tarkibni kuchaytiradi.
«Qishki transfer paytida biz yangi futbolchi sotib olmadik. Bu ishni yozga qoldirdik. Hozirgi tarkibimizga qarasak va "MYU" duch kelgan qiyinchiliklarga nazar tashlasak, biz munosib o‘ynaganimizni tushunish mumkin.
O‘ylaymanki, yozda 2-3 nafar yangi futbolchi bilan shartnoma imzolaymiz. Ular yuqori saviyaga chiqishimiz uchun yordam berishi kerak», – dedi Mourinyo.
Avvalroq «MYU»ning yangi xaridlaridan biri «Barselona» hujumchisi Neymar bo‘lishi mumkinligi haqida xabar tarqatilgandi.