«Тяньцзинь Цюаньцзянь» клубининг хўжайини Шу Юхуи клубнинг трансфер режалари ҳақида гапирди.
«Трансфер бюджетимизнинг чегараси йўқ. Биз исталган футболчини харид қилишимиз мумкин, бироқ кўпинча клубимизга ўтишдан бош тортишади.
Бир йил бурун Пато билан шартнома имзоламоқчи эдик. Аммо 2-лигада эканимиз сабабли, у таклифни рад қилди. Суперлигага чиққанимиздан сўнг, у бизга қўшилди.
Шунингдек, Диего Коста ва бошқа юлдузлар билан ҳам қизиқдик. Кўрамиз, ёзда кимларни харид қиларканмиз, аммо ишонтириб айтаманки, Коста даражасидаги футболчиларни оламиз.
Фалькао билан ҳам музокара ўтказдик, бироқ бош мураббий Каннаваро унинг трансферига қарши чиқди» - деди Шу Юхуи.
