«Tyanszin Syuanszyan» klubining xo‘jayini Shu Yuxui klubning transfer rejalari haqida gapirdi.
«Transfer byudjetimizning chegarasi yo‘q. Biz istalgan futbolchini xarid qilishimiz mumkin, biroq ko‘pincha klubimizga o‘tishdan bosh tortishadi.
Bir yil burun Pato bilan shartnoma imzolamoqchi edik. Ammo 2-ligada ekanimiz sababli, u taklifni rad qildi. Superligaga chiqqanimizdan so‘ng, u bizga qo‘shildi.
Shuningdek, Diyego Kosta va boshqa yulduzlar bilan ham qiziqdik. Ko‘ramiz, yozda kimlarni xarid qilarkanmiz, ammo ishontirib aytamanki, Kosta darajasidagi futbolchilarni olamiz.
Falkao bilan ham muzokara o‘tkazdik, biroq bosh murabbiy Kannavaro uning transferiga qarshi chiqdi» - dedi Shu Yuxui.
