“Манчестер Юнайтед” ҳужумчиси Златан Иброҳимович Европа топ чемпионатлари тўпурарлари рўйхатида 2 мавсумдан буён кучли учликдан жой олиб келмоқда.

Daily Mail нашрининг хабарига кўра, Златан Франция ва Англия чемпионатларидаги қатнашган ўйинларида 53 та гол урган. Швециялик 35 ёшли ҳужумчи гол уриш бобида Лионел Месси ва Криштиану Роналдуларни ортда қолдиришна эришди.

Европа чемпионатларининг икки мавсумдаги тўпурарлар рўйхатини “Барселона” футболчиси Луис Суарес бошқармоқда.

Қуйида Европа чемпионатларида 2 мавсум давомида энг кўп гол киритганлар рўйхати келтирилган:

1. Луис Суарес – 58 гол

2. Гонсало Игуаин – 55

3. Златан Иброҳимович – 53

4. Криштиану Роналду – 51

5. Роберт Левандовски – 49

6. Лионель Месси – 46

7. Эдинсон Кавани – 45

8. Пьер-Эмерик Обамеянг – 44

9. Александр Ляказетт – 43

10. Харри Кейн – 42