“Manchester Yunayted” hujumchisi Zlatan Ibrohimovich Yevropa top chempionatlari to‘purarlari ro‘yxatida 2 mavsumdan buyon kuchli uchlikdan joy olib kelmoqda.

Daily Mail nashrining xabariga ko‘ra, Zlatan Fransiya va Angliya chempionatlaridagi qatnashgan o‘yinlarida 53 ta gol urgan. Shvesiyalik 35 yoshli hujumchi gol urish bobida Lionel Messi va Krishtianu Ronaldularni ortda qoldirishna erishdi.

Yevropa chempionatlarining ikki mavsumdagi to‘purarlar ro‘yxatini “Barselona” futbolchisi Luis Suares boshqarmoqda.

Quyida Yevropa chempionatlarida 2 mavsum davomida eng ko‘p gol kiritganlar ro‘yxati keltirilgan:

1. Luis Suares – 58 gol

2. Gonsalo Iguain – 55

3. Zlatan Ibrohimovich – 53

4. Krishtianu Ronaldu – 51

5. Robert Levandovski – 49

6. Lionel Messi – 46

7. Edinson Kavani – 45

8. Pyer-Emerik Obameyang – 44

9. Aleksandr Lyakazett – 43

10. Xarri Keyn – 42