Бугун "Бухоро" мухлислар билан учрашув ташкил қилди.
Йиғилишда Бухоро вилояти ҳокимлиги маданият ва спорт ишлари бошқармаси бошлиғи Жамшид Рашидов, клуб директори Амрилло Нажмиддинов, бош мураббий Улуғбек Бақоев ва барча мураббий ва футболчилар иштирок этишди.
Дастлаб сўзга чиққан Улуғбек Бақоев барча янги футболчиларни оммага таништирди ва ўтган йиғинлар ҳақида қисқача маълумот берди. Шундан сўнг сўз мухлисларга берилди. Мухлислар ўзларини қизиқтирган саволларга жавоб олишди.
Шундан сўнг мухлислар жамоа машғулотларини томоша қилиш мақсадида клуб қароргоҳига ташриф буюришди.
