Англия футбол ассоциацияси «Борнмут» ҳимоячиси Тайрон Мингз ва «Манчестер Юнайтед» ҳужумчиси Златан Иброҳимовичга қўпол ўйнаганлик ҳақида расмий айблов эълон қилди.
Ўзаро ўйиннинг 44-дақиқасида, дастлаб Мингз ерда ётган Иброҳимовичнинг бошини босган, кейинчалик эса Златан унинг бошига тирсаги билан урганди. Бош ҳакам Кевин Френд эса буни пайқамаган ва футболчиларни жазоламаганди.
Иброҳимович катта эҳтимол билан уч ўйинга, Мингз эса узоқроқ муддатга дисквалификация қилиниши мумкин. Эслатиб ўтамиз, ўйиндан сўнг ҳар иккаласи ҳам атайин бу ишни қилмаганини айтган.
Энди ҳар иккала футболчи 7 март куни бу борадаги тушунтиришларини тақдим қилишлари шарт.
