Россиянинг Электросталь шаҳрида истиқомат қилувчи рассом Рустам Нугманов ЖЧ-2018 мусобақаси учун махсус чолғу асбобини яратди.
«Ҳар бир мамлакат ЖЧ мусобақасида мусиқий чолғу асбоблари орқали ўз маданияти ёдгорликларини оммалаштиришга уринган. ЖАР-2010да вувузела, Бразилия-2014да каширола каби асбобларни кўрдик.
Россия учун эса миллий қошиқлар танланди. Улар «V»симон шаклда бир-бирига боғланади. Бу лотинчадаги «V» - victoria (ғалаба) сўзини эслатади» - деди Нугманов бу ҳақда.
Аввалроқ, ЖЧ-2018 учун махсус мусиқий асбобни ишлаб чиқиш ҳақида конкурс эълон қилиниб, ғолиб учун 1 млн рубль ваъда қилинганди.
