«Ростов» клуби ёшларининг мураббийи Игорь Гамула «Манчестер Юнайтед» бош мураббийи Жозе Моуриньонинг баёнотига жавоб берди.
«Моуриньо «Ростов» майдонининг чимидан нолиди? Ҳа, бу майдоннинг чими жуда яхши эмас, аммо қониқарли. Албатта «МЮ» каби жамоалар бунга ўрганмаган. Бироқ маҳоратли футболчиларни таркибга йиғган бундай клуб асфальт майдонда ҳам ўйнаши шарт.
Бундай майдонда чиройли ўйин намойиш қилиш қийинлигини тушуниб турибмиз. Бунинг қўрқинчли жойи йўқ. Биз қанотлар орқали тўп ошириб ўйнаймиз, бундай майдон эса бизга ёрдам бериши мумкин» - деди Гамула.
Эслатиб ўтамиз, европа лигасидан ўрин олган "Ростов"-"МЮ" ўйини 9 март куни ўтказилади.
