«Rostov» klubi yoshlarining murabbiyi Igor Gamula «Manchester Yunayted» bosh murabbiyi Joze Mourinyoning bayonotiga javob berdi.

«Mourinyo «Rostov» maydonining chimidan nolidi? Ha, bu maydonning chimi juda yaxshi emas, ammo qoniqarli. Albatta «MYU» kabi jamoalar bunga o‘rganmagan. Biroq mahoratli futbolchilarni tarkibga yig‘gan bunday klub asfalt maydonda ham o‘ynashi shart.

Bunday maydonda chiroyli o‘yin namoyish qilish qiyinligini tushunib turibmiz. Buning qo‘rqinchli joyi yo‘q. Biz qanotlar orqali to‘p oshirib o‘ynaymiz, bunday maydon esa bizga yordam berishi mumkin» - dedi Gamula.

Eslatib o‘tamiz, yevropa ligasidan o‘rin olgan "Rostov"-"MYU" o‘yini 9 mart kuni o‘tkaziladi.