Тошкентнинг “Локомотив” клуби 13 март куни Осиё Чемпионлар Лигаси 3-тур учрашувлари доирасида Эроннинг “Истиқлол” клуби меҳмони бўлади. “Темирйўлчилар” айни дамда мазкур ўйинга қизғин ҳозирлик олиб боришмоқда.

Бугун “Локо” футболчилари “Локомотив” стадионида машғулот ўтказишди. Жамоа аъзолари даставвал енгил югуриб олишди. Кейин Мирко Йеличич бошчилигида чигалёзди машқлари амалга оширилди. Сўнг барча тўп билан муомала машқларини бажаришга ўтди.

Умуман олганда бугунги машғулот жараёнида мураббийлар штаби асосан олдиндаги масъулиятли учрашувда фойдаланиладиган тактикани амалда қўллаш борасида иш олиб боришди.

“Локомотив” жамоаси 12 мартга қадар ўз қароргоҳида машғулот олиб боради ва сўнгра Теҳронга йўл олади.

“Истиқлол” – “Локомотив” учрашуви 13 март куни соат 20:30да бўлиб ўтади.