Toshkentning “Lokomotiv” klubi 13 mart kuni Osiyo Chempionlar Ligasi 3-tur uchrashuvlari doirasida Eronning “Istiqlol” klubi mehmoni bo‘ladi. “Temiryo‘lchilar” ayni damda mazkur o‘yinga qizg‘in hozirlik olib borishmoqda.
Bugun “Loko” futbolchilari “Lokomotiv” stadionida mashg‘ulot o‘tkazishdi. Jamoa a’zolari dastavval yengil yugurib olishdi. Keyin Mirko Yelichich boshchiligida chigalyozdi mashqlari amalga oshirildi. So‘ng barcha to‘p bilan muomala mashqlarini bajarishga o‘tdi.
Umuman olganda bugungi mashg‘ulot jarayonida murabbiylar shtabi asosan oldindagi mas’uliyatli uchrashuvda foydalaniladigan taktikani amalda qo‘llash borasida ish olib borishdi.
“Lokomotiv” jamoasi 12 martga qadar o‘z qarorgohida mashg‘ulot olib boradi va so‘ngra Tehronga yo‘l oladi.
“Istiqlol” – “Lokomotiv” uchrashuvi 13 mart kuni soat 20:30da bo‘lib o‘tadi.
