"Барселона"нинг 32 ёшли футболчиси Андрес Иньестага қизиқаётган клубларнинг номи ошкор тилмаяпти, аммо уларнинг бири унга йилига 35 млн евро маош таклиф қилган.
Бунда маош ҳар қандай солиқлардан ҳоли берилади. Ундан ташқари, бир қанча имтиёзлар таклиф қилинмоқда, масалан - жамоанинг сафар ўйинларига бормаслик.
Испаниялик футболчининг "Барселона" билан амалдаги шартномаси шу йилнинг ёзида ниҳоясига етади. Томонлар уни узайтирмоқчилар.
Marca нашри Иньеста каталонияликлар билан 2+1 кўринишидаги янги шартнома имзолашга тайёргарлик кўраётганини хабар қилган. Унга кўра, футболчи фаолиятидан сўнг клуб тизимда ишлаши мумкин.
