"Манчестер Сити" бош мураббийи Хосеп Гвардиола Англия чемпионатининг 29-турида "Ливерпуль" билан учрашувдаги дурангдан сўнг (1:1) фикрларини билдирди.
"Жамоанинг ўйинидан кўнглим қанчалик тўлди? Сиз тасаввур ҳам қилолмайсиз. Бу менинг мураббийлик фаолиятимдаги энг бахтли кунлардан бири бўлди. Мен жамоам билан жуда фахрланаман.
Чемпионлар лигасидаги мағлубиятдан сўнг машғулотлар базамизда ҳеч ким бир неча кун бир-бири билан гаплашмади. Ҳамма қайғуда эди. Бугун биз "Ливерпуль" билан, еврокубокда қатнашмаётган ва яхши тайёрргарликка эга жамоа билан ўйнадик.
"Манчестер Сити" кўпроқ голли вазиятлар яратди. Муаммомиз шундаки, биз қулай вазиятлардан ҳам фойдалана олмаяпмиз. Аммо биз жамоавий руҳиятни кўрсата олдик, бу бизга "Монако" билан учрашувда етишмаган эди.
Бу учрашув олдидан жамоамиздаги аҳволни тушуниш керак. Мен учун бугун ажойиб ўйинчиларга эга топ-клуб билан ўйнаганимиз кўп аҳамиятга эга. Шунинг учун мамнунман", - дейди Гвардиола.
