Football Italia хабарига кўра, Неаполь маъмурияти «Ювентус» мухлисларига шаҳарга ташриф буюришни тақиқлади.
2 апрель куни «Наполи» Италия чемпионати доирасида «Ювентус»га қарши ўйнайди. 5 апрель куни эса Италия кубогининг яримфиналида баҳслашади. Ҳар иккала ўйинга ҳам туринлик мухлислар киритилмайди. Чунки икки жамоа ўртасидаги ўйинлар юқори даражада хавф солувчи баҳслар қаторига киради. Неаполь маъмурияти хавфсизлик чоралари нуқтаи назаридан келиб чиқиб шу ишга қўл урмоқда.
Эслатиб ўтамиз, ушбу жамоаларнинг октябрь ойида Туринда ўтказилган ўйинига неаполлик мухлислар киритилмаган эди.
