Норвегиянинг Josimar журнали "Санкт-Петербург қуллари" номли мақола чоп этди.

Унга кўра, Крестовский оролидаги стадион қурилишида КХДРлик 110та меҳнат муҳожири ишламоқда ва уларнинг кўпчилигида ҳеч қандай ҳуқуқ йўқ, бир инсон эса вафот этган.

Ишчилар қурилиш вақтида стадион яқинидаги омбор контейнерларида яшашган. Ноябрь ойида уларнинг бири ўлик ҳолда топилган. Ўлим сабаби юрак хуружи бўлган. ФИФА суриштирув олиб боришни ваъда қилган, аммо ҳозирча унинг натижаларини эълон қилмаган.

Ишчиларнинг бири улар эрталаб соат 7 дан кеч 12гача ишлашларини айтган. Уларда дам олиш куни йўқ, маошларининг 90 фоизини КХДР ҳукумати олишини айтган. Таъкидланишича, аренада КХДРда амал қилинадиган қулдорлик схемасидан фойдаланилади. Кўпчилик ишчиларни воситачи фирмалар билан 10 йиллик шартнома боғлаб туради. БМТ маълумотига кўра, бу мамлакат бу ишчиларнинг меҳнати орқали йилига 2 млрд доллар ишлаб топади.