17 йиллик фаолиятдан сўнг «Севилья»ни тарк этаётган спорт директори Рамон Мончи энг яхши хариди тўғрисида гапирди.
«Дани Алвес — «Севилья» учун энг яхши харидим бўлган. Бу трансфер ҳар томонлама ўзини оқлади. Ҳеч кимга таниш бўлмаган футболчига имкон бердик. Кейинчалик у ўсди, анча совринларни қўлга киритди. Уни 800 минг еврога сотиб олган эдик, 35 млн еврога сотдик» - деди Мончи Marca хабарида.
Алвес 2002 йилда Бразилиянинг «Баия» клубидан «Севилья»га ўтган эди. 2008 йилда «Барселона» сафини тўлдирди. Ўтган йилдан буён эса «Ювентус»да ўйнамоқда.
