«Реал» ҳимоячиси Пепе фаолиятини Хитойнинг «Хэбей Чайна Форчун» клубида давом эттириш ҳақидаги фикрини ўзгартирди.
Португалия терма жамоаси футболчиси хитойликларнинг 12 миллион евро йиллик маошдан иборат таклифига рад жавобини берди. Ҳимоячи олдида «ПСЖ» ва «Манчестер Сити» вариантлари бор.
Ушбу жамоалар бош мураббийлари — Унаи Эмери ва Хосеп Гвардиола машҳур агент Жорже Мендеш билан боғланиб, малакали ҳимоячи топиб беришни сўрашган.
Терма жамоа мураббийлар штаби олдинда ЖЧ-2018 мусобақаси кутиб турганини инобатга олиб, Пепега кучли жамоада фаолиятини давом эттиришни маслаҳат берган. 34 ёшли футболчи молиявий томондан йўқотишга учраса-да, Мундиалда иштирок этишни ният қилди.