"Кристал Пэлас" бош мураббийи Сэм Эллардайс АПЛнинг 32-турида "Арсенал" устидан қозонилган йирик ҳисобдаги ғалаба (3:0) уни ажаблантирмаганини маълум қилди.
"Бу натижа мени шокка туширгани йўқ, чунки "Челси"ни ҳам мағлуб этганмиз. Балки натижа ҳайрон қоларлидир, аммо буни биринчи марта қилаётганимиз йўқ. Рақиб узоқ вақтдан буён қийин даврни бошдан кечираётганини билар эдик, аммо биз сифатли футбол кўрсатишимиз керак эди. Бугун ҳаммаси идеал равишда кечди.
"Кристал Пэлас" ўйинчилари "Арсенал"ни қандай қилиб мағлуб этишни билар эдилар. Бундай жамоага тенг келиш қийин, ҳимоявий ўйин кўрсатиб, гол уриш учун қулай фурсат излаш, шундан сўнг бўш ҳудудлардан фойдаланиш керак эди.
"Арсенал" ҳимояда суст ўйнади, биз кўплаб вазиятлар ярата олдик", - дейди Эллардайс.
