"Kristal Pelas" bosh murabbiyi Sem Ellardays APLning 32-turida "Arsenal" ustidan qozonilgan yirik hisobdagi g‘alaba (3:0) uni ajablantirmaganini ma’lum qildi.
"Bu natija meni shokka tushirgani yo‘q, chunki "Chelsi"ni ham mag‘lub etganmiz. Balki natija hayron qolarlidir, ammo buni birinchi marta qilayotganimiz yo‘q. Raqib uzoq vaqtdan buyon qiyin davrni boshdan kechirayotganini bilar edik, ammo biz sifatli futbol ko‘rsatishimiz kerak edi. Bugun hammasi ideal ravishda kechdi.
"Kristal Pelas" o‘yinchilari "Arsenal"ni qanday qilib mag‘lub etishni bilar edilar. Bunday jamoaga teng kelish qiyin, himoyaviy o‘yin ko‘rsatib, gol urish uchun qulay fursat izlash, shundan so‘ng bo‘sh hududlardan foydalanish kerak edi.
"Arsenal" himoyada sust o‘ynadi, biz ko‘plab vaziyatlar yarata oldik", - deydi Ellardays.
