Шимолий ва Марказий Америка ва Кариб ҳавзаси футбол конфедерецияси (КОНКАКАФ) ЖЧ-2026 мезбонлиги масаласини тезроқ ҳал қилинишига эришмоқчи.
Ҳозирча мезбонлик учун фақат АҚШ, Канада ва Мексика биргаликда ариза ташлаганлар. КОНКАКАФ ФИФАга мурожаат қилиб, ЖЧ-2026 мезбонлиги масаласини тезроқ аниқланишини сўрамоқчи. Регламент бўйича мезбон 2020 йилда ФИФАконгрессида аниқланиши керак.
КОНКАКАФ вакиллари шу йилнинг май ойида бўлиб ўтадиган ФИФА конгресси олдидан барча 221 аъзо мамлакатларга таклиф юбориб, жараённи тезлаштиришни таклиф қилганлар.
Конфедерация амалдорлари АҚШ, Канада ва Мексиканинг ҳамкорликда берган аризасининг техник икир-чикирлари (стадионлар, меҳмонхона ва транспорт инфраструктураси) баён қилинган ҳисоботни олти ойда тайёрлаб топширмоқчилар.
Агар ариза ФИФА талабларига мос келса, ЖЧ мезбонлиги дарҳол бу уч мамлакатга берилиши мумкин. Агар ариза маъқулланмаса, мундиал мезбонлигини аниқлашнинг анъанавий усули давом эттирилади.
Бу каби тезкор сайлов 48 та терма жамоа ўтказиладиган ЖЧ-2026 олдидан ФИФАга енгиллик туғдириши мумкин. Мезбонни муддатидан олдинороқ аниқлаш, бошқа масалалар билан хотиржам шуғулланиш имкониятини беради.
