"Атлетико" бош мураббийи Диего Симеоне ЕЧЛ чорак финалида "Лестер"га қарши жавоб учрашуви олдидан (18 апрель) ҳар икки жамоани таққослади.
"Матрасчилар" биринчи учрашувда ўз уйларида Гризманнинг пнеальтидан киритган ягона голи эвазига 1:0 ҳисобида ғалаба қозонган эдилар.
"Лестер" жуда яхши аҳволда, охирги 6-7 учрашувни жуда омадли ўтказяпти. Жамоалар бир-бирлари билан нимаси биландир ўхшаб кетадилар. Ўйин худди Мадриддаги каби кечади, деб ўйлайман, курашларга бой, кучли қарама-қаршилик, ҳаммасини майда нарсалар ҳал қилиши мумкин.
Биз "Висенте Кальдерон"даги ўйинни зўр бошлаган эдик, "Лестер" ҳам сешанба оқшомида худди шундай қилишга ҳаракат қилади. Кураш қизғин бўлади", - дейди Симеоне.
