“Манчестер Сити” клуби дарвозабони Клаудио Браво кеча “Бавария” ярим ҳимоячиси Артуро Видалнинг ҳакам томонидан четлатилганига ўз фикрларини билдириб ўтди.

Эслатиб ўтамиз, ҳисоб “Бавария” ҳисобига 1:2 ҳал бўлаётган вақтда Артуро Видаль учрашувнинг 84 дақиқасида майдондан четлатилганди. Шундан сўнг 10 киши бўлиб қолган “Бавария” 4:2 ҳисобига мағлубиятга учраб, ЕЧЛни тарк этди.

“Афсус, Артурони ноҳақ четлатишди. У тўпга ўйнашга улгуриб бўлганди. Майдонда шунча ҳакам бор, лекин улардан ҳеч қандай фойда йўқ.

Устига-устак ҳакамлар “Бавария” олдида ожизликларини сездириб қўйишди. “Бавария” ожиз ҳакамлар қарорларидан босим остида қолиб кетди”, - дея ёзади Клаудио шахсий твиттер саҳифасида.