"Арсенал" бош мураббийи Арсен Венгер жамоа яримҳимоячис Аарон Ремсининг ўйинига таъриф берди ва мавсумнинг қолган қисмида унинг жароҳат олмаслигига умид қилаётганини айтди.

"Мен бу мавсумда Ремсининг 10-15 та гол уришини кутган эдим. У Фрэнк Лэмпардга ўхшайди. У жуда чидамли ва рақиб жарима майдонига ёриб киришни яхши кўради.

Бу мавсум Ремси учун омадсиз келди. Текшириб кўрдим - у АПЛда 7 та учрашувни асосий таркибда ўйнабди. Кўрганимга ишонмадим, ҳаммасига кичик жароҳатлар сабаб бўлган.

Душанба куни у соғлом кўринлди ва умид қиламанки, мавсумнинг қолган қисмини жароҳатларсиз ўтказади. У мен учун муҳим ўйинчи", - дейди Венгер.

Мавсум-2016/17да Аарон Рэмси "Арсенал" сафида 23 ўйин ўтказиб, 2 та гол урган.