"Arsenal" bosh murabbiyi Arsen Venger jamoa yarimhimoyachis Aaron Remsining o‘yiniga ta’rif berdi va mavsumning qolgan qismida uning jarohat olmasligiga umid qilayotganini aytdi.

"Men bu mavsumda Remsining 10-15 ta gol urishini kutgan edim. U Frenk Lempardga o‘xshaydi. U juda chidamli va raqib jarima maydoniga yorib kirishni yaxshi ko‘radi.

Bu mavsum Remsi uchun omadsiz keldi. Tekshirib ko‘rdim - u APLda 7 ta uchrashuvni asosiy tarkibda o‘ynabdi. Ko‘rganimga ishonmadim, hammasiga kichik jarohatlar sabab bo‘lgan.

Dushanba kuni u sog‘lom ko‘rinldi va umid qilamanki, mavsumning qolgan qismini jarohatlarsiz o‘tkazadi. U men uchun muhim o‘yinchi", - deydi Venger.

Mavsum-2016/17da Aaron Remsi "Arsenal" safida 23 o‘yin o‘tkazib, 2 ta gol urgan.