"Манчестер Сити" бош мураббийи Хосеп Гвардиола жароҳати сабабли икки ойдан ошиқроқ вақт сафда бўлмаган ҳужумчи Габриэл Жезуснинг қайтишига муносабатини билдирди.

Футболчи Манчестер дербисининг (0:0) 86-дақиқасида майдонда пайдо бўлди.

"Уч ойлик танаффусдан сўнг майдонда бор-йўғи беш дақиқа ўйнади ва иккита ажойиб вазият яратди. Сантиметрли офсайддан гол уришга ҳам муваффақ бўлди. Унинг голни сезиш қобилияти зўр. Келгуси мавсумда у бизга кўп ёрдам беради. У мавсумни зўр бошлаган эди, аммо уч ҳафта ўйнади, холос.

У Агуэро биан бир бирини жуда яхши тушунади, айниқаса, бугунгидай қаттиқ ҳимояга қарши. Очко йўқотган ўйинлармизда Габриэл бўлганида нима бўларди, билмайман. У бразилиялик ажойиб 9-рақам эгаси", - дейди Гвардиола.