"Manchester Siti" bosh murabbiyi Xosep Gvardiola jarohati sababli ikki oydan oshiqroq vaqt safda bo‘lmagan hujumchi Gabriel Jezusning qaytishiga munosabatini bildirdi.

Futbolchi Manchester derbisining (0:0) 86-daqiqasida maydonda paydo bo‘ldi.

"Uch oylik tanaffusdan so‘ng maydonda bor-yo‘g‘i besh daqiqa o‘ynadi va ikkita ajoyib vaziyat yaratdi. Santimetrli ofsayddan gol urishga ham muvaffaq bo‘ldi. Uning golni sezish qobiliyati zo‘r. Kelgusi mavsumda u bizga ko‘p yordam beradi. U mavsumni zo‘r boshlagan edi, ammo uch hafta o‘ynadi, xolos.

U Aguero bian bir birini juda yaxshi tushunadi, ayniqasa, bugungiday qattiq himoyaga qarshi. Ochko yo‘qotgan o‘yinlarmizda Gabriel bo‘lganida nima bo‘lardi, bilmayman. U braziliyalik ajoyib 9-raqam egasi", - deydi Gvardiola.