“Арсенал” бош мураббийи Арсен Венгер “Манчестер Юнайтед”га (2:0) қарши учрашувдан сўнг ўйин ҳақида ўз фикрларини билдириб ўтди.

“Биз сабр қилиш эвазига бугун ғалаба қозондик. Биринчи бўлим бироз асабий ўтган бўлсада, аммо натижа биз томонда бўлди. 3-4-3 схемаси бизга ҳимояланишда катта ёрдам бермоқда.

Аввалроқ бу тактикани қўлламаганимиз учун кўп гол ўтказиб юбораётгандик. Ўйинни юқори даражада ўтказмаган бўлсак-да, бир ой аввалги ўйин билан ҳозиргисида катта фарқни сездим.

Моуриньо устидан қозонилган ғалаба? Ушбу ўйинда мураббийлар қаршилигининг аҳамияти йўқ. Мавсумни топ-4 да якунлаш учун имкониятларимиз етарли, аммо бунинг учун бизга ёрдам керак бўлади. Ёрдамга эса қолган ўйинларда фақат ғалаба қозониш билан эришиш мумкин”, – деди Венгер.