“Arsenal” bosh murabbiyi Arsen Venger “Manchester Yunayted”ga (2:0) qarshi uchrashuvdan so‘ng o‘yin haqida o‘z fikrlarini bildirib o‘tdi.

“Biz sabr qilish evaziga bugun g‘alaba qozondik. Birinchi bo‘lim biroz asabiy o‘tgan bo‘lsada, ammo natija biz tomonda bo‘ldi. 3-4-3 sxemasi bizga himoyalanishda katta yordam bermoqda.

Avvalroq bu taktikani qo‘llamaganimiz uchun ko‘p gol o‘tkazib yuborayotgandik. O‘yinni yuqori darajada o‘tkazmagan bo‘lsak-da, bir oy avvalgi o‘yin bilan hozirgisida katta farqni sezdim.

Mourinyo ustidan qozonilgan g‘alaba? Ushbu o‘yinda murabbiylar qarshiligining ahamiyati yo‘q. Mavsumni top-4 da yakunlash uchun imkoniyatlarimiz yetarli, ammo buning uchun bizga yordam kerak bo‘ladi. Yordamga esa qolgan o‘yinlarda faqat g‘alaba qozonish bilan erishish mumkin”, – dedi Venger.