Европа лигаси финалида "Аякс" - "Манчестер Юнайтед" учрашувини словениялик ҳакам Дамир Скомина бошқарадиган бўлди.
Финал 24 май куни Стокгольмдаги "Френд Арена" стадионида бўлади. УЕФА сайтининг хабар беришича, Скоминага Юре Прапротник ва Роберт Қукан ёрдам берадилар. Тўртинчи ҳакам: Жанлука Рокки (Италия), ҳакамнинг қўшимча ёрдамчилари - Матей Юг ва Славко Винчич (Словения).
40 ёшли ҳакам бу мавсумда чемпионлар лигасининг 6 учрашувини бошқарди шу жумладан 1/4 финалда "Монако" - "Боруссия" Д ўртасидаги жавоб учрашувини ҳам. Ўтган беш мавсум давомида Скомина Еврокубок яримфиналларини бошқариб келган, аммо бу мавсумда биринчи марта ҳал қилувчи ўйинни бошқармоқда.