"Барселона" яримҳимоячиси Иван Ракитич Испания чемпионатида "Лас-Палмас" устидан қозонилган ғалабадан сўнг (4:1) чемпионлик курашидаги рақиби "Реал"нинг қоқилишидан бутун жамоаси билан умидворлигини билдирди.
"Албатта, "Реал" ҳали Виго ёки Малагада қоқилиши мумкин. Бу ўйнаш қийин бўлган иккита стадиондир. Биз эса, дам олиб, ўзимизнинг ихтиёримизда бўлган "Эйбар"га қарши ўйинга тайёрланишимиз керак. "Реал"нинг хатосини кутамиз ва бу чоршанба куни бўлишига умид қиламиз. Аммо биз "Барселона"миз, биринчи навбатда ўз ўйинимзга эътибор қаратамиз", - дейди Ракитич.
