Италия терма жамоасининг собиқ футболчиси Фабрицио Микколи товламачилик қилгани учун қамалиши мумкин.
Палермо шаҳри прокуратураси «Ювентус», «Фиорентина» ва «Палермо» клубларининг собиқ футболчисини 4 йилга қамалишини талаб қилмоқда.
37 ёшли Микколи зўравонлик йўли билан одамлардан пул ундиришда айбланяпти, деб хабар беради L'Équipe. Терговчиларнинг фикрига кўра, у 2010 йилдан буён мафия билан алоқа ўрнатиб, товламачилик йўли билан пул топишга киришиб кетган.
Микколи Италия терма жамоаси сафида 10та ўйинда майдонга тушган. У 2015 йилда футболчилик фаолиятини якунлаган.
