"Реал" Испания чемпионатининг 21-тури доирасида қолдирилган ўйинни ўтказди. «Сельта» меҳмони бўлган Зидан шогирдлари 3 очкони қўлга киритишди.

Учрашувнинг 10-дақиқасида Криштиану Роналду жарима майдончаси ташқарисидан аниқ зарба бериб, ҳисобни очди. Шундан сўнг ташаббус виголиклар томонига ўтди. Кейлор Навас бир нечта вазиятда ўз жамоасини қутқарди.

Иккинчи бўлим эса ҳакамнинг қўпол хатолари билан ёдда қолди. Рамос ўз жарима майдончасида Аспасни йиқитгани учун пенальти белгилаш ўрнига рефери ҳужумчига иккинчи сариқ карточкани бериб, Ягони майдондан четлатди.

Бунгача Роналду ўз ҳисобига яна битта гол ёзишга улгурганди. "Сельта" эса бир киши кам бўлиб ўйнаётганига қарамай, битта жавоб тўпини киритди. Бензема эса орадан 1 дақиқа ўтиб ҳисобни 1:3 кўринишга келтирди. Ўйин сўнгида Кроос ҳисоб йирик бўлишига ўз ҳиссасини қўшди.

Ушбу ғалабадан кейин "Реал" ўз очколарини 90тага етказди ва жадвалда пешқадам бўлиб олди. Сўнгги турда "Малага" билан ўйинда дуранг ҳам "Мадрид"ни чемпионга айлантиради.

Испания Ла лигаси, 21-турнинг қолдирилган ўйини
СЕЛЬТА – РЕАЛ МАДРИД 1:4
17 май, 00.00, «Балайдос»
Голлар: 0:1 – 10 Роналду, 0:2 – 48 Роналду, 1:2 – 69 Гвидетти, 1:3 – 70 Бензема, 1:4 – 88 Кроос.
Сельта – Альварес, Кабраль, Кастро, Ронкалья, Мальо, Эрнандес, Хосабед (Диас, 72), Систо (Диоп, 80), Васс, Гвидетти (Бовю, 86), Аспас.
Реал Мадрид – Навас, Марсело, Рамос, Данило, Варан, Кроос, Модрич, Каземиро (Ковачич, 71), Иско (Васкес, 84), Бензема, Роналду (Асенсио, 84).
Огоҳлантиришлар: Каземиро (30), Аспас (38), Кастро (64), Гвидетти (66), Мальо (73), Эрнандес (85), Рамос (85).
Четлатиш: Аспас (62).