Рио-2016 олимпиадаси матбуот котиби Марио Андрада хабарига кўра, Олимпиаданинг 100дан ортиқ медали ташкилотчиларга қайтариб юборилган.
Сабаби – уларда пайдо бўлган занг ва қора доғлардир.
«Энг катта муаммо шундаки, медалларни яхши сақлашмаган, тушириб юборишган, натижада уларнинг ҳимоя қопламаси емирилган. Бунинг оқибатида медаллар занглаб, қорайиб қолган. Яна бир сабаб – 10дан ортиқ медал қаттиқ совуқда сақланган. Бу ҳам уларга ёмон таъсир қилган» - деди Андрада.
Рио-2016 олимпиадаси учун жами 2488 медал ишлаб чиқарилган. Кумуш ва бронза медалларнинг 30% қисми қайта ишланган материаллардан тайёрланган. Уларда пайдо бўлган занг ва доғлар ҳақидаги дастлабки хабарлар ўтган йили октябрь ойида тарқалган эди.
