«Реал» бош мураббийи Зайниддин Зидан Примеранинг сўнгги туридан ўрин олган «Малага» клубига қарши ўйиндан олдин ўз фикрларини айтди.
«Испания чемпионатида ғалаба қозониш қанчалик қийин эканини биламиз. Ҳар бир турда кучли эканингни исботлаб, ғалаба қозонишинг керак. Биз мавсумни яхши ўтказдик. Ҳозир биринчи ўриндамиз, энди уни муносиб якунлашимиз шарт.
Жамоадаги аҳиллик – муваффақият гаровидир. Таркибимиз жуда зўр. Ҳар бир футболчи биз учун муҳим. Айни пайтда жисмоний ва руҳий ҳолатимиз жуда зўр.
Ҳали чемпионатда ғолиб чиқмадик. Аммо кўп ишладик, энди бор кучимиз билан ўйнаймиз.
Кўпчилик бизнинг мағлубиятимизни кутмоқда. Бунинг аҳамияти йўқ, чунки ҳар доим шундай бўлган. Биз таслим бўлмасдан, ғалаба қозонишимиз кераклигини биламиз» - деди Зидан.
