«Фламенго» ҳужумчиси Винисиус Жуниор нега «Барселона»ни эмас, «Реал»ни танлаганини айтди.

Ватанида "Янги Неймар" лақабини олган 16 ёшли футболчи яқинда 45 млн евро эвазига Мадрид клубига ўтган эди.

Globo Esporte хабарига кўра, футболчи Неймар туфайли «Барселона» таклифини рад қилган. Винисиуснинг тахминига кўра, Неймар «Барселона»нинг чап қанотида жуда зўр ўйнамоқда. Бундан ташқари, у эндигина 25 ёшга тўлган. Натижада унинг асосий таркибдаги ўрнини эгаллаш жуда мушкул бўлади. «Реал»да эса 32 ёшга тўлган Криштиану Роналду билан рақобатлашса бўлади, у бир неча йилдан сўнг ўз ўрнини Винисиусга бўшатиб бериши мумкин.