"Рома" ҳужумчиси ва сардори Франческо Тотти мавсум якунланганидан сўнг жамоани тарк этади. Бу ҳақида футболчининг ўзи Твиттерда маълум қилди.

Шу тариқа 40 ёшли футболчи 28 май куни "Женоа"га қарши учрашувда римликлар сафидаги сўнгги ўйинини ўтказади.

"Бу шарафни бир неча сўз билан таърифлай олмайман. Ҳис қиляпман, менинг футболга бўлган меҳрим бу билан сўниб қолмайди: бу ҳаяжон, менинг ҳаяжоним. У шундай чуқурки, унинг охирини тасаввур қила олмайман. Душанба книдан бошлаб мен янги чақириққа тайёрман", - деб ёзади Тотти.

Тотти "Рома" тарбияланувчиси ҳисобланади, у 1993 йилдан буён римликлар сафида 782 та ўйин ўтказган, 306 та гол урган ва 122 та голга тўп оширган.