2006 йилда ва ундан кейин таваллуд топган болалардан иборат «Локомотив» жамоаси Латвиянинг Лиепая шаҳрида ўтказиладиган халқаро мусобақада иштирок этади.
Ушбу мусобақада “Ливерпуль”, “Вест Бромвич” (Англия), “Кёльн” (Германия), ЦСКА (Россия), “Легия” (Польша), БАТЭ (Беларусь), “Лиепая” (Латвия), “Банга” (Литва) каби кучли академиялар ҳам иштирок этади. Делегацияга футбол мактаби директори Эркин Саидов раҳбарлик қилмоқда.
Мураббий Суннат Рўзиев шогирдлари бугун Англиянинг “Ливерпуль” жамоаси тарбияланувчиларига қарши назорат учрашувида майдонга тушишади.
Мусобақа эса 26 ва 27 май кунлари яқин ўтмишда Латвиянинг энг кучли футболчиси бўлган Марис Верпаковскис раҳбарлик қилаётган “Лиепая” клубига қарашли майдонда бўлиб ўтади.
