2006 yilda va undan keyin tavallud topgan bolalardan iborat «Lokomotiv» jamoasi Latviyaning Liyepaya shahrida o‘tkaziladigan xalqaro musobaqada ishtirok etadi.
Ushbu musobaqada “Liverpul”, “Vest Bromvich” (Angliya), “Kyoln” (Germaniya), SSKA (Rossiya), “Legiya” (Polsha), BATE (Belarus), “Liyepaya” (Latviya), “Banga” (Litva) kabi kuchli akademiyalar ham ishtirok etadi. Delegasiyaga futbol maktabi direktori Erkin Saidov rahbarlik qilmoqda.
Murabbiy Sunnat Ro‘ziyev shogirdlari bugun Angliyaning “Liverpul” jamoasi tarbiyalanuvchilariga qarshi nazorat uchrashuvida maydonga tushishadi.
Musobaqa esa 26 va 27 may kunlari yaqin o‘tmishda Latviyaning eng kuchli futbolchisi bo‘lgan Maris Verpakovskis rahbarlik qilayotgan “Liyepaya” klubiga qarashli maydonda bo‘lib o‘tadi.
