«Манчестер Сити» ҳужумчиси Нолито клубни тарк этиш нияти борлигини айтди.
«Нима қилиб бўлса ҳам «Манчестер Сити»ни тарк этмоқчиман. Мен билан «Атлетико» ва «Сельта» қизиқмоқда. Испанияга қайтиш ниятим бор. Декабргача асосий таркибда ўйнаб, бахтиёр эдим. Аммо иккинчи даврада деярли ўйнамадим. Сабабини бош мураббий Гвардиоладан сўраш керак.
Бу мавсумни унутишим керак. Мен маълум бир тажрибага эга бўлдим. Кўрамиз ёзда нима бўларкан» - деди Нолито Marca хабарида.
Нолито «Манчестер Сити»га 2016 йил ёзида ўтган эди. Унинг шартномаси 2020 йилгача мўлжалланган. Ўтган мавсумда у барча мусобақаларда 30та ўйин ўтказиб, 6та гол урди.