"Челси" бош мураббийи Антонио Конте Англия кубоги финалида "Арсенал" билан учрашув (1:2) вақтида шогирди Виктор Мозеснинг четлатилиши ҳақида гапирди.
Иккинчи бўлим ўрталарида нигериялик футболчи "канонирлар" жарима майдончаси ичида симуляция қилган дея топилди ва иккинчи сариқ карточка сабабли майдонни тарк этди.
"Менинг ўйинчим "шўнғиди" деб ўйламайман, у буни атай қилмади. Биз мавсум охиридамиз, кўпгина ўйинчилар чарчаганлар, улар катта боимни ҳис қилдилар.
Албатта, "шўнғиш" яхши эмас, аммо Мозес - ҳалол ўйинчи, у чарчоқ туфайли йиқилган эди.У ҳакамни алдамоқчи эмасди", - дейди Конте.
