"Chelsi" bosh murabbiyi Antonio Konte Angliya kubogi finalida "Arsenal" bilan uchrashuv (1:2) vaqtida shogirdi Viktor Mozesning chetlatilishi haqida gapirdi.

Ikkinchi bo‘lim o‘rtalarida nigeriyalik futbolchi "kanonirlar" jarima maydonchasi ichida simulyasiya qilgan deya topildi va ikkinchi sariq kartochka sababli maydonni tark etdi.

"Mening o‘yinchim "sho‘ng‘idi" deb o‘ylamayman, u buni atay qilmadi. Biz mavsum oxiridamiz, ko‘pgina o‘yinchilar charchaganlar, ular katta boimni his qildilar.

Albatta, "sho‘ng‘ish" yaxshi emas, ammo Mozes - halol o‘yinchi, u charchoq tufayli yiqilgan edi.U hakamni aldamoqchi emasdi", - deydi Konte.