«Барселона» ҳимоячиси Херард Пике ўз фаолиятидаги энг муҳим ғалаба қайси эканини гапириб берди.
«Унвонларни ютиб олган лаҳзалар энг яхши ҳисобланади, бу аниқ. Бироқ, мен учун вазият бошқачароқ.
Мен «ПСЖ» клуби устидан қозонилган ғалабани фаолиятимдаги энг муҳими деб ҳисоблайман. Бу ҳаётимдаги энг бахтли лаҳзалардан бири бўлди. 6:1 ҳисобида ютиб, чоракфиналга чиқдик...
Стадиондаги муҳит жуда зўр эди. Мухлислар ғалабага ишониб, сўнгги сонияларгача бизни қўллаб-қувватлаб туришди» - деди Пике Le Parisien хабарида.
Эслатиб ўтамиз, дастлабки ўйинда «ПСЖ» 4:0 ҳисобида ғалаба қозонган эди.
