«Атлетик»нинг собиқ устози Эрнесто Вальверде 4-2-3-1 ўйин схемасининг шайдоси ҳисобланади. «Барселона»нинг янги бош мураббийи ушбу ўйин схемасини қўллайдиган бўлса, каталонияликларнинг асосий таркиби қай кўринишда бўлади? Goal нашри ушбу ўйин схемасидаги «Барселона»ни таҳлил қилиб кўрди.

Келаси икки мавсум давомида (агарда яхши кўрсаткичга эриша олса, қўшимча яна бир йилга узайтирилади) «Барселона»ни бошқарадиган Вальверде олдидаги бош муаммо бу «кўк-анорранглилар»нинг ўйин услуби. Ундан олдинги ҳамкасбларидан қолган 4-3-3 ўйин схемасини сақлаб қолиш ёки «Барса» учун янги ўйин услуби ўйлаб топиш.

Виандар де ла Вералик мураббий «Атлетик»даги фаолияти давомида кўпроқ 4-2-3-1 ўйин схемасида иш олиб борган ва буни «Барселона»да ҳам қўллаб кўрса ажаб эмас. Албатта, бу услубда футболчиларнинг позициялари рақибнинг даражасига қараб ўзгариб туради.

Вальверденинг ушбу ўйин услубида каталонияликларнинг асосий таркиби қуйидагича кўриниш олиши мумкин:

Инеста ва Месси майдондаги ўринларини алмаштириши мумкин. Бундай ўринда, аргентиналик юлдуз ўйинда етакчиликни ўз қўлига олиши, испаниялик «афсунгар» эса рақибга босимни кучайтириши керак бўлади.

Муҳим ўзгариш жамоанинг сўнгги мавсумдаги оғриқли нуқталаридан бири бўлган ўнг қанот ҳимоясида рўй бериши мумкин. Алейш Видал мавсум стартига тайёр ҳолатда етиб келмаса, унинг ўрнини «Барселона Б»дан ёш истеъдодли ҳимоячи Паленсияни асосий таркибда кўришимиз мумкин. «Атлетик» билан ўтказган биринчи мавсумидаёқ Вальверде жамоанинг қанот ҳимоясини ёш Андони Ираолага ишониб топширган эди. Якунда Ираола жамоасининг муҳим футболчисига айланган эди. Ажаб эмас, Вальверде «Барса» ёшларига ҳам имконият берса.