Францияда ўтаётган "Ролан Гаррос" мусобақасида аёллар турнирининг ғолиби аниқланди.
Финалда 20 ёшли латвиялик Елена Остапенко руминиялик Симона Халепни уч сет (4:6, 6:4, 6:3) якунига кўра мағлуб этиб, ўз фаолиятида илк маротаба "Катта дубулға" сериясига кирувчи мусобақани ютди.
Остапенко бундай натижага эришган биринчи латвиялик теннисчи бўлди. Бундан ташқари, Остапенко US Open-2004’ни ютган Светлана Кузнецовадан кейин, "Катта дубулға" мусобақасини ютган энг ёш теннисчи бўлди.
Дунёнинг 47-ракеткаси сифатида турнирга келган теннисчи 1933 йилдан бери, бу мусобақанинг кучли теннисчилари қаторига киритилмаган илк чемпиони бўлди.
