Италия чемпионатини янги мавсумдаги ўйинларида ҳакамнинг видеоёрдамчиси системаси ишлатилади. Бу ҳақида Италия ФФ раҳбари Карло Тавеккио маълум қилди.

"Бизга видеоёрдамчи учун алоҳида хона ва камида саккизта телекамера керак бўлади. А серия раҳбарияти 2 млн евро атроқидаги харажатни қоплайди. ФИФА ҳозирча тўла ижозат бергани йўқ, аммо ҳозирги вазиятга таяниб, янги мавсумда ушбу ситемани қўллаймиз", - дейди Тавеккио.

ФИФА охирги марта видеоёрдамчи системасидан ўртоқлик учрашувларида, ёшлар ва клублар ўртасидаги жаҳон чемпионати мусобақаларида фойдаланди.