Футбол бўйича Ўзбекистон миллий терма жамоаси ЖЧ—2018 саралаш баҳслари доирасида Эронга қарши икки учрашув ўтказди.
2016 йил 6 октябрь куни Тошкентда бўлган биринчи ўйинда Эрон термаси 1:0 ҳисобида ғалаба қозонган; 2017 йилнинг 12 июнида Теҳронда ўтказилган иккинчи ўйинда эса эронликлар 2:0 ҳисобида зафар қучиб, Россияда бўладиган мундиал йўлланмасини амалда қўлга киритиб бўлди.
Мазкур икки ўйин — 180 дақиқа давомида Ўзбекистон миллий терма жамоаси футболчилари рақиб дарвозаси томон бирор марта аниқ зарба бермади. Терма жамоа бош мураббийи Самвел Бабаяннинг фикрича, жамоанинг ҳозирги таркиби — мамлакат тарихидаги энг кучлисидир. Шунчаки маълумот учун — ЖЧ—2014 саралашида Ўзбекистон миллий терма жамоаси Эронни Теҳронда 1:0 ҳисобида мағлуб этган эди.
